“One Last Shot” යනු ජේම්ස් නන් (James Nunn) විසින් අධ්‍යක්ෂණය කරන ලද සහ ජේමි රසල් (Jamie Russell) විසින් රචනා කරන ලද 2026 වසරේ නිකුත් වූ ක්‍රියාදාම චිත්‍රපටයකි. මෙහි ප්‍රධාන චරිත සඳහා ස්කොට් ඇඩ්කින්ස් (Scott Adkins), ස්ටීවන් ක්‍රී (Steven Cree) සහ හැනා වෙයාර් (Hannah Ware) රංගනයෙන් දායක වෙති. මෙය ස්කොට් ඇඩ්කින්ස්ගේ ‘One Shot’ ක්‍රියාදාම චිත්‍රපට මාලාවේ තුන්වන සහ අවසාන චිත්‍රපටය වන අතර, පෙර චිත්‍රපට මෙන්ම මෙයද කැමරා කට්වලින් තොරව එක් අඛණ්ඩ රූපරාමුවක් (one continuous take) ලෙස දිස්වන අයුරින් නිර්මාණය කර තිබීම විශේෂත්වයකි. මෙහි කතාවෙන් කියැවෙන්නේ ඇමරිකානු නාවික හමුදාවේ (Navy SEAL) දක්ෂ නිලධාරියෙකු වන ජේක් හැරිස් (Jake Harris), න්‍යෂ්ටික බංකරයක ප්‍රාණ ඇපයට ගෙන සිටින අමෙරිකානු හමුදා ප්‍රධානීන් පිරිසක් බේරාගැනීම සඳහා යෙදෙන අතිශය භයානක මෙහෙයුමක් ගැනයි. ඔහුගේ පැරණි සගයෙකු මෙන්ම වර්තමාන ත්‍රස්තවාදියෙකු වන එලියට් කාටර් විසින් මෙහෙයවනු ලබන කුලී හේවායන් කණ්ඩායමක් ඇමෙරිකානු මිසයිල ආරක්ෂක ජාලය අක්‍රිය කිරීමට උත්සාහ කරයි. කාටර් විසින් න්‍යෂ්ටික කේත ලබා ගැනීමට පෙර ඔහුව නැවැත්වීම සඳහා ජේක් හැරිස්ට සතුරන් සහ මාරාන්තික උගුල් රැසක් මැදින් දැඩි සටනක නිරත වීමට සිදුවේ. සුප්‍රකට ක්‍රියාදාම නළු ඩොල්ෆ් ලන්ඩ්ග්‍රන් (Dolph Lundgren) ද මෙහි විශේෂ චරිතයක් නිරූපණය කරයි