Wolfs චිත්‍රපටිය මීට සති කීපයකට කලින් තමයි අන්තර්ජාලයට නිකුත් වුණේ. මේක Thriller/Comedy වර්ගයට අයත් වෙනවා. මුලින්ම කියන්න ඕනේ මේක වෙයාවුල්ෆ් කතන්දරයක් තියෙන ෆිල්ම් එකක් නෙමේ. විශේෂම දේ තමා මේකේ ප්‍රධාන චරිත දෙකට රංගනයෙන් දායක වෙන Brad Pitt සහ George Clooney කියන ශිල්පීන් දෙන්නට චිත්‍රපටිය ඇතුලෙදි නම් ලැබිලා නැහැ. ඒ කියන්නේ චිත්‍රපටියෙදි මෙයාලා කතා කරන්නේ නම් භාවිත කරන්නේ නැතුවයි. Jon Watts ගේ අධ්‍යක්ෂණයෙන් සහ Apple TV වෙතින් බෙදාහරින ලද මේ චිත්‍රපටියට IMDB අගය 6.5ක් ලැබිලා තියෙනවා. රූපගත කිරීම් කරලා තියෙන්නේ නිව් යෝර්ක් නගරයේදි.

කතාව මෙහෙමයි: (Spoiler Alert, හැබැයි මේ ටික දැනගත්තොත් කතාව බලන්න ලේසියි) කතාවේ ප්‍රධාන චරිත දෙක ‘සකසන්නන්’ දෙන්නෙක්. ඒ කියන්නේ මනුස්සයෙක්ට මොකුත් ප්‍රශ්නයක් වුණොත් ඒක පොලීසියට අහුවෙන්න ඉඩ තියෙනවා. හැබැයි සකසන්නෙක්ට කෝල් කරලා ගෙන්නගත්තොත් එහෙම ප්‍රශ්නයක් කලින් නොවුණා වගේ සුද්ද කරන්න පුලුවන්. විශේෂම දේ සකසන්නන් වැඩ කරන්නේ තනියෙම. ඒ කියන්නේ ලෝන් වුල්ෆ් කෙනෙක් (තනි වෘකයෙක්) විදිහට. මේ ටික දැනගත්තම ඇති.

• English