ඉම්ජින් යුද්ධය එහෙමත් නැතිනම් ජපනුන්ගේ කොරියානු ආක්‍රමණය.හරියටම කිව්වොත් වසර හතක් මුලුල්ලේ මේ යුද්ධය පැවතුනා.පළමු වරට1592 වර්ෂයේ දී ත් ඊට පසුව 1598 වර්ශයේදීත් ජපන් හමුදා කොරියාව ආක්‍රමණය කරනවා.බොහෝම අලාභ හානි,ජීවිත අහිමි වීම් එක්ක කොරියානු අර්ධද්වීපයෙන් කොටසක් ජපනුන්ට යටත් වෙනවා.1598 කාලයෙ මේ දෙවෙන ආක්‍රමණය වෙනකොට පසු බැසලා ඉන්න කොරියාව එහෙමත් නැත්තං ජෝසනය චීනයේ මින්ග් අධිරාජ්‍ය එක්ක ආපහු ජපනුන් එක්ක සටනට එළඹෙනවා.1598 වෙනකොට ක්‍රම ක්‍රමයෙන් ජපන් හමුදා ජොසනයෙන් එහෙනම්ත් නැත්නම් කොරියානු අර්ධද්වීපයෙන් පසුබස්වන්න සමත් වෙනවා.ඒ කොහොම උණත් ජපන් හමුදා සටන අත්හරින්නෙත් නැහැ ඔවුන් උල්සාන් ,සන්චොන් වගේ දකුණු දිග මුහුදුබඩ පෙදෙස්වල බලකොටුවල කඳවුරුලා ගෙන ජෝසන්-මිං හමුදාවලට පහර දෙනවා.කලින් කලට ආක්‍රමණ දියත් කලත් ජෝසන් හමුදාවන්ට මේ බලකොටු අල්ලාගන්න බැරිවෙනවා.මෙන්න මේ අතරතුරේදී ජපන් නායක ටොයොටොමි හිදයෝෂි මරණය පත්වෙනවා, ඔහු තමා ජපානය බලවත් එක්සත් රාජ්‍යක් කරන්න උර දුන් නායකයන් තුන් දෙනාගෙන් එක්කෙනෙක්.ඔහුගේ මරණයත් එක්ක ජපන් හමුදාවන් වල ව්‍යාකූල තත්ත්වයක් උදා වුනා.දිගින් දිගටම ජපන් හමුදා පරාජය වෙන නිසා අවසානයේ කොරියානු අර්ධද්වීපයෙන් ජපාන හමුදා ඉවත් කරගන්න තීරණය කරනවා.

එතකොට මොකක්ද මේ නෝර්‍යන්ග් සටන.කලින් චිත්‍රපට දෙක බලපු කෙනෙක් නම් නාවික සෙන්පති යී සුන් ෂින් කියන නම අහලා නැති වෙන්න බැහැනේ..මේ වෙනකොට ජෝසනයේ නාවුක හමුදා බලවත් තැනක හිටියා.තාක්ෂණය,උපායමාර්ගික තීරණ අතිනුත්.මේ හැමදේටම මුල් වුණේ එවකට ජෝසන් නාවික හමුදා ප්‍රධානී අද්මිරාල් යී සුන් ෂින්.ඔහුත් මුහුදින් පාබල හමුදා ගොඩබිමිනුත් ජපාන හමුදාවන්ට පහර දුන්නා.මේ වෙනකොට සන්චොන් වල ගේයෝ බලකොටුවේ ප්‍රධන ජපන් හමුදා නායක කොනිෂි යුකිනාගා කඳවුරු බැඳගෙන හිටියා.හැබැයි අද්මිරාල් යී සුන් ශින්ගේ ජෝසන් නාවුක බලඇණියත්, මින්ග් නාවුක සේනාධිපති චෙන් ලින් ගේ නාවුක බලඇනියත් මුහුද දෙසින් රැකැවල්ලාගෙන පහර දුන්නා.මෙහිදී කොනිෂිට පලායන්න මඟක් නොතිබුණ නිසා ඔහු ඒ අවස්ථාවේ ජපන් නාවුක සෙන්පතියෙක් වෙන ෂිමාසු යොශිහිරෝගෙන් උපකාර පැතුවා යී සුන් ෂින් ව පරාජය කරලා ජපානට පලා යන්න.ෂිමාසු ඒ වන විටත් 500ක් පමණ නෞකා බලඇණියකින් සමන්විතව හිටියා කියලයි ඉතිහාසයේ සඳහන් වෙන්නේ.ඒ කොහොම වුණත් කොණිෂිගේ අදහස දැනගන්න යී සුන් ෂින් අද්මිරාල් දක්ෂ සැලසුමකට අනුව ජපාන හමුදා මුලාවට ලක් කරමින් නෝර්යන්ග් මුහුදේදී සටනට එළඹෙනවා.රාත්‍රීකාලයක ආරම්භ වුන මේ සටන ඉතාමත් දරුණුව පැවතුණා කියලයි ඉතිහාසයේ සඳහන් වෙන්නෙ.දෙපසටම බලවත් අලාභ හානී සිදුවුණත් අවසන් ප්‍රතිඵලය වෙන්නෙ ජෝසන් නාවික හමුදාව මේ සටනින් ජය ලබනවා.මේ සටනින් 20,000 අධීක සෙබල පිරිසක් මිය ගිහින් නවුකා 300කට වඩා ප්‍රමාණයක් විනාස වුනා.ඉතින් ඒක තමා ජපාන ආක්‍රමණයේ අවසන් සටන වෙන්නෙ.1598 දෙසැම්බර් මාසයේදී සියලුම ජපන් හමුදා ජෝසනයෙන් ඉවත් වෙලා යනවා.

මෙතනදී වැදගත්ම ප්‍රභල චරිතයක් වුණ රණශූර යී සුන් ෂින් වටා තමා අපි මේ කතාකළ චිත්‍රපටය නිර්මාණය වෙන්නෙ.අද මම අද ආවේ ඔහුගේ කතාවේ අවසාන චිත්‍රපටය,The Admiral: Roaring Currents (2014), Hansan: Rising Dragon (2022) හා අවසාන නෝර්‍යන්ග් සටන පාදක කරගත් Noryang :Deadly Sea(2023) චිත්‍රපටය 2023 වසරේ දෙසැම්බර් 20 වෙනිදා තිරගතවීම් ආරම්භ කලා.IMDb දර්ශකයේ 6.3 අගයකුත් Rotten Tomatoes හි 92% ඉහළ අගයකුත් මේ වෙනුවෙන් හිමිවෙලා තියෙනවා.සුපුරුදු පරිදිම  Kim Han Min අධ්‍යක්ෂණය මේ වතාවෙදිත් හොඳටම කරලා තියෙනවා.Kim Yoon Seok යී සුන් ෂින් විදිහට රංගනයෙන් දායක වෙනවා. ඩො.මි 34.2 ක වාර්තාගත ආදායමකුත් ලබාගන්න මේ චිත්‍රපටයට හැකිවෙලා වෙලා තියෙනවා. එහෙනම් ඉම්ජින් යුද්ධයේ අවසාන සටන බලන්න කියලා ආරාධනා කරන ගමන් මම සමුගන්නවා.

• Korea