ජෙරමි රෙයින්ස් නිව් යෝර්ක් නගරයට සාමාන්‍යයෙන් එන්නේ සූදු කෙලින්න. එහෙම සූදුවට ගිහින් මෝර්ගන් කියන පුද්ගලයාට ණයත් වෙනවා. හැබැයි මේදා පාර නම් නිව්යෝර්ක් වලට ආවේ එහෙම දෙයකට නෙමේ. මොර්ගන්ට තියෙන ණය ගෙවල දාලා සූදුව නිසාම දෙදරමින් තියෙන තමන්ගේ විවාහ දිවිය නැවත හරිගස්සගෙන… තමන්ගේ ආදරණිය බිරිද මොලිට හොද ස්වාමිපුරුෂයෙක් වෙන්න. අනාගතය හොදින්, සතුටින් ලස්සනට ගතකරන්න. රෙයින්ස් ඔහොම අනාගතය ගැන දහසක් දේවල් හිතේ මවාගෙන අපනශාලවකින් හොදට සප්පායම් වෙලා එයින් එලියට එනවා.

මත් ගතිය නිසාම ඔහුට එතනින් එහාට කිසි දෙයක් මතක නැහැ. ඔහු නැවත සිහිය ලබන්නේ කළුවර, ඝනකම් විදුරු වලින් හදපු පෙට්ටියක් තුල. ඔහු දකින එකම දේ ඩිජිටල් ඔරලෝසුවක් වගේ දෙයක්… තප්පරෙන් තප්පරේ වෙලාව අඩුවෙමින් ඔහුට ඉහලින් ක්‍රියාත්මක වෙනවා…සාමාන්‍ය පුද්ගලයෙක්ට නම් මෙහෙම කලා කියලා කාටවත් වැඩක් නැති වෙයි. එත් ඇමෙරිකාවේ ජාතික රහස් සංවිධානයේ විශේෂ නියෝජිතයෙක්ව හිරකරල ඔහුගෙන් ලබාගන්න පුළුවන් රහස් කොතරම් තිබේවිද… විශේෂ නියෝජිත ජෙරමි රෙයින්ස් කියන අපේ කතා නායකයාව විදුරු පෙට්ටියක හිරකරලා, ත්‍රස්තවාදී කණ්ඩායමක් උත්සහ කරන්නෙත් ඒ වගේ ඉතාමත් වැදගත්, ඇමරිකානු ජනාධිපතිගේ ජිවිතයට තර්ජනයක් එල්ල කරන්න පුළුවන් රහසක් ගැන. ධාවනය වෙමින් තිබෙන කාර් එකක ඩිකියක විදුරු පෙට්ටියක හිර වෙලා, ඉන්න තැනක්, යන තැනක් ගැන නොදන්නා, කොටින්ම එළියේ මොනවා වෙනවද කියලා කිසිම දෙයක් ගැන නොදන්නා…. කොටින්ම, තමන්ව මෙහෙම පැහැරගෙන වද දෙන්නේ කවුරුන්ද කියලවත් නොදන්නා මේ රහස් අංශයේ නියෝජිතයාට ජීවිතය බේරගන්න පුළුවන් එකම ක්‍රමය, ඉල්ලන දෙයක් දීලා පණ බේරගන්න ඒක විතරයි. එත් ඔවුන් ඉල්ලන්නේ එසේ මෙසේ දෙයක්ද… හදීසි ආරක්ෂක තත්වයකදී හෝ සතුරු ප්‍රහාරයකදී ජනාධිපති සහ ඔහුගේ පවුලේ අයත්, ඉහල ආරක්ෂක නිලධාරීන් සියලු දෙනාත් ආරක්ෂාව පිණිස සැගවෙන අධි ආරක්‍ෂිත “රූලේට්” නමින් හදුන්වන බංකර පද්ධතියක පිහිටීම පිළිබද විස්තර. මේ විස්තර දුන්නොත් ඇමෙරිකාවේ ජනාධිපති ඇතුළු ප්‍රධානින් ගණනාවකම ජිවිත අනතුරේ, නොදුන්නොත් තමාගේ ජිවිතේ අනතුරේ… සමහර විට තම ආදරණිය බිරිදගෙත්..

මම මෙච්චර වෙලා කිව්වේ 2012 වසරේ නිකුත් වූ අලුත්ම සිනමා නිර්මාණයක් ගැන. Gabe Torres නම් ඇමෙරිකානු සිනමා අධ්‍යක්ෂක විසින් නිර්මාණය කෙරුණු මෙම නිර්මාණයට Stephen Dorff, Chyler Leigh සහ JR Bourne යන ශිල්පීන් සහභාගී වෙනවා. මෙම නිර්මාණයේ කැපී පෙනෙන දෙයක් විදිහට රංගන ශිල්පීන්ගේ අඩුවත්.. දර්ශන තල සීමිත වීමත් මම දකිනවා. එත් මේක බලන්න වාඩි වුනොත් නම් ඉවර වෙනකම්ම නැගිටින හිතෙන එක නැහැ.

පොඩි අවවාදයක් දෙන්නම්… මෙහි අවසානයට වෙන දේ ගැන බලල ඉවර කරන්න කලින් තීරණයකට එන්න එපා. මම මොකද ඔබ හිතන දෙය කීයටවත් සිද්ද වෙනේ නැහැ. ඔබ දැන් හිතපු දේත් වෙන්නේ නැහැ  . කොටින්ම හිත හිත ඉන්න නැතිව බාගෙන බලන්න.

• English