ස්වර්ණමය යුගයේ නිමවුනු එනම් තවත් විදිහකට කිව්වොත් 1997 වර්ෂයේදී නිකුත් වුනු අතිශය ජනප්‍රිය වගේම නිතැතින්ම Masterpiece එකක් බවට පත් වුනු Dark Fantasy තේමාවක් රැගත් Berserk ඇනිමෙ කතා මාලාවේ අවසානයෙන් පසුව ඔන්න අපි නැවතත් ඒ Dark Fantasy යට ඇතුළු වෙන්නයි සූදානම් වෙන්නේ. Berserk කතා මාලාවේ ලිපියේ මම සඳහන් කළා වගේම මෙවර මේ අරන් එන්නේ Berserk චිත්‍රපට ත්‍රිත්වයේ පළමු වැනි චිත්‍රපටය. අපි බලමු මේ චිත්‍රපටයේ පසුබිම මොකක්ද කියලා.

Berserk: The Golden Age Arc I – The Egg of the King (2012) Sinhala Subtitles

1997 දී නිකුත් වුනු Berserk කතා මාලාවට පදනම් වුනු Kentaro Miura අතින් ලියවුනු Berserk මන්ගා මාලාවේම The Golden Age නම් Arc එක ඇසුරෙන් තමයි මේ චිත්‍රපටය නිර්මාණය වෙන්නේ. Berserk: The Golden Age Arc 1-The Egg of the King නම් මේ චිත්‍රපටය Studio 4°C අතින් නිර්මාණය වී 2012 වසරේදී නිකුත් වෙනවා. ඒ වගේම මේ චිත්‍රපටයේ Music වෙනුවෙන් පෙර Berserk කතා මාලාවේ වගේම Susumu Hirasawa තමන්ගේ දායකත්වය ලබා දෙනවා. IMDB දර්ශකයේ 7.5 ක අගයක් වගේම MyAnimeList දර්ශකයේ 7.71 ක අගයක් ලබාගෙන තිබෙන මේ චිත්‍රපටය පැය 1 මිනිත්තු 16 ක් පුරා දිවෙනවා. ඒ වගේම Action, Adventure, Drama, Fantasy, Horror, Gore, Military, Seinen යන Genre වලට අයත් වෙමින් R+ Mild Nudity යටතේ Rate වෙලා තිබෙනවා.

ඉතින් මේ චිත්‍රපටයේ කතා වස්තුව ගැන කියන එක අවශ්‍ය නෑ කියලයි මගේ හැඟීම. මොකද කියනවා නම් 1997 දී නිකුත් වුනු Berserk කතා මාලාවේම Remastered Movie Series එකේ පළමුවැන්න කියල මේ චිත්‍රපටය හඳුන්වන්න පුලුවන්. ඒ කියන්නෙ ඒ කතා මාලාව Animation අතින් නවීකරණය කරල නිකුත් කරපු චිත්‍රපටය කියල හඳුන්වන්න පුලුවන්. කතා මාලාවේ සෑම සිදුවීමක්ම මේ චිත්‍රපටයට ඇතුළත් වෙන්නේ නෑ. හැබැයි එහෙමයි කියලා වැදගත් සිදුවීම්වල කප්පාදුවක් කරලා ගොඩනගපු චිත්‍රපටයක් කියල හඳුන්වන්නෙත් නෑ. ඒ වගේම කතා මාලාවේ දකින්න ලැබුනාට වඩා මේ චිත්‍රපටයේ දකින්න ලැබෙන සටන් ජවනිකා Violated සහ Brutal කියල කියන්න පුලුවන්. තමාගේම හමුදාවක් ගොඩනගන ග්‍රිෆිත් සහ අසාමාන්‍ය ශක්තියක් තියෙන අසාමාන්‍ය කඩුවක් හසුරුවන ගට්ස්ගේ හමුවීමේ පටන් එක්තරා හැරවුම් ලක්ෂ්‍යයක් වෙනකල් මේ චිත්‍රපටයේ කතාව දිවෙනවා.

ඔයා තාමත් Berserk (1997) කතා මාලාව නරඹපු නැති කෙනෙක් නම් ඒ කතා මාලාව මුල සිටම නරඹලා මේ චිත්‍රපටයට එන එක තමයි හොඳම දේ වෙන්නේ. මොකද ඇතැම් සිදුවීම් සවිස්තරාත්මකව කතා මාලාවේ විතරයි දකින්න ලැබෙන්නෙ. ඒ නිසා මේ චිත්‍රපටය නරඹන්න කලින් ඒ කතා මාලාව අනිවාරෙන්ම සම්පූර්ණයෙන්ම නරඹලා එන්න. මේ චිත්‍රපටයේ වැඩිහිටියන්ට පමණක් සුදුසු දර්ශන කිහිපයක් වගේම වැඩිහිටියන්ට පමණක් සුදුසු වචනත් ඇතැම් තැන්වල ඇතුළත් වෙනවා. ඒ වගේම චිත්‍රපටයේ සිංහල උපසිරැසිය නිර්මාණය කරල තිබෙන්නේ ජපන් භාෂාවට අනුකූල විදිහටයි. එහෙනම් නරඹන්න මේ චිත්‍රපටය. Berserk චිත්‍රපට ත්‍රිත්වයේ මීළඟ චිත්‍රපටය වෙන Berserk: The Golden Age Arc 2-The Battle for Doldrey චිත්‍රපටයෙන් මීළඟට මුණ ගැසෙමු.

• Japanese