Action/Adventure කාණ්ඩය අයත්වෙන මෙයට පැය 2 මිනි: 28ක ධාවන කාලයක් තියෙනවා. සුපුරුදු විදිහටම චිත්‍රපටියටය අධ්‍යක්ෂණය කරන්නේ George Miller විසින්. දැන් George Miller කියන්නේ වයස 79ක් වෙන දක්ෂ ඔස්ට්‍රේලියානු අධ්‍යක්ෂකවරයෙක්. දැනට Mad Max චිත්‍රපට මාලාවට මීට අමතරව චිත්‍රපටි 4ක් අයිති වෙනවා. ඒ Mad Max (1979), Mad Max 2 (1981), Mad Max: Beyond Thunderdome (1985), සහ Mad Max: Fury Road (2015).චිත්‍රපට සියල්ලේම අධ්‍යක්ෂක වෙන්නේ George Miller මහත්තයා.මං හිතන්නේ ඔයාලා මුල් චිත්‍රපටි නැතත් හැමෝම 2015 නිකුත්වුණ Mad Max: Fury Road චිත්‍රපටිය අනිවාරෙන්ම බලලා ඇති නේ. එහෙනම් ඒ හොඳටම ඇති.

Mad Max චිත්‍රපටි මාලාවේ ආපු ඉහළ මට්ටමේම චිත්‍රපටිය කියලා කීවොත් මං හරි. Tom Hardy සහ Charlize Theron ප්‍රධාන චරිත නිරූපණය කරපු ඒ චිත්‍රපටියේ කතාව ඔයාලට මතක ඇතිනේ, ඉමෝටන් ජෝගේ යුධ රථය Fury Road එකේ පදින ෆියුරිඕසා කියන අතක් අහිමි ගෑණු කෙනෙක් ඉමෝටන් ජෝගේ කිරිදෙන මව්වරුන්වත් යුධ රථයට දාගෙන බලකොටුවෙන් පැනලා යනවා. එයාලව අල්ලගන්න දාන වැඩ කෑලි ටික ඔයාලට ඒ චිත්‍රපටියෙන් දකින්න පුළුවන් වුණා.

ඉතින් ඒ ෆියුරිඕසා කියන ප්‍රධාන චරිතය කොහොමද හැදුනේ කියලා පෙන්නන්න අධ්‍යක්ෂක George Miller මහත්තයට ඕනවුණා. ඒකේ ප්‍රතිඵලයක් විදිහට තමයි මේක නිර්මාණය වෙන්නේ.

ෆියුරිඕසා චරිතය නිරූපණය කරන්නේ Anya Taylor-Joy.

ප්‍රධාන දුෂ්ටයා වෙන ඩිමෙන්ටස් චරිතය නිරූපණය කරන්නේ Chris Hemsworth.

මීට අමතරව Tom Burke, Alyla Browne, Nathan Jones, Lachy Hulme ඇතුලු විශාල පිරිසක් රංගනයෙන් දායක වෙනවා. Anya Taylor-Joy සහ Chris Hemsworth ඇතුළු පිරිස විශිෂ්ට විදිහට චිත්‍රපටිය කරලා තියෙනවා සහ මහන්සිවෙලා තියෙනවා කියලා බැලුවාම ඔයාලටම තේරුම්ගන්න පුළුවන්.

චිත්‍රපටිය ගත්තාම ෆියුරිඕසාගේ ළමා කාලයේ ඉඳලා Mad Max: Fury Road චිත්‍රපටියේ මව්වරු එක්ක පැනලා යන කොටසට සම්බන්ධ වෙනකල් කතාව ගෙනියනවා. මේකෙදී ඉමෝටන් ජෝගේ වගේම තවත් කල්ලි කීපයක්ම දැකගන්න පුළුවන්. ආදායම් අතින් සාර්ථක වෙන්න බැරිවුණ එකනම් අපරාදේ කියලා හිතෙනවා. ඒත් චිත්‍රපටිය හොඳට රසවිඳින්න පුළුවන් කියලා බය නැතුව විශ්වාසයෙන් කියන්න පුළුවන්. 

මං කතාව කියන්න අදහසක් නෑ.

එහෙනම් ඔයාලම අරන් බලන්නකෝ.

• English