“ජීවිතේ වැඩියෙන්ම සුන්දර කාලේ මොකක්ද කියලා ඇහුවොත්, බොහෝ දෙනෙක් උත්තර දේවි මගේ පාසල් කාලය නැත්තම් තරුණ කාලය කියලා. ඉතින් මේ කියන්න යන්නෙත් අන්න ඒ වගේ  කතාවක්….”

“ජූන්” සුන්දර කේරලයේ තවත් එක් අපූරු මලයාලම් සලරුවක් කියලා කියන්න පුලුවන්. ගූගල් පරිශීලක මනාප 94%ක් වගේම IMDb අගය 7.5/10 ක් සටහන් කරන්න සමත් වෙච්ච මේ සලරුව තිරගත වෙන්නේ 2019 පෙබරවාරි 15 වෙනිදා…චිත්‍රපටය අධ්‍යක්ෂනය කරන්නේ  Ahammed Khabeer විසින්. ආරංචි විදියට මෙයාගේ පළවෙනි චිත්‍රපටයලු… චිත්‍රපටය බැලුවම නම් මෙයා හොඳ ගමනක් යන අධ්‍යක්ෂකවරයෙක් කියලා කියන්න පුලුවන්..මොකද චිත්‍රපටයේ දෙබස්,සංගීතය,සින්දු ටික මෙකී නොකී හැම දෙයක්ම නියමෙටම තියෙනවා….

චිත්‍රපටයේ ප්‍රධාන චරිතය ඒ කියන්නේ “ජූන්” කියන කියන චරිතය නිරූපණය කරන්නේ Rajisha Vijayan විසින් ඒවගේම කලින් නොදැකපු අලුත් වගේම දක්ෂ නලු නිලියන් රැසක්ම මේ චිත්‍රපටියෙන් දැකගන්න පුලුවන්…ඒ වගේම පාසල් කාලය කෙළිලොල්ව ගතකරන  ළමුන් පිරිසක්, ඔවුන්ගේ ජීවිත කොයිවගේද? ඔවුන්ගේ සිතුවිලි මොනවගේද කියලා බොහොම ලස්සනට චිත්‍රපටය තුලින් නිරූපණය කරලා තියෙනවා….

කතාව ගැන කිව්වොත්,

මේ ජූන් කියන හිරිමල් වියේ ඉන්න පුංචි කෙල්ල 11 වසරෙදි අලුත් පාසලකට ඇතුල්වෙනවා…පළවෙනි දවසෙම ජූන් එයාට ගැළපෙන කෙනාව හොයාගන්නවා….කොහොම වුණත් කාලයක් යනකොට මේ සම්බන්දේ ජූන්ගේ ගෙදරින් දැනගන්නවා..ඒවගේම මෙයාලට දැඩි ලෙස විරුද්ධ වෙනවා…හැබැයි ජූන්ගේ හිතේ කොනක ඒ ආදරය යටපත් වෙලා තියෙනවා…කොහොමින් කොහොමහරි ජූන් තමන්ගේ ඉගෙනීම අවසන් කරලා රස්සාවක් කරන්න බොම්බේ යනවා…හැබැයි එයා ඇත්තටම බොම්බේ යන්නේ නොයෙල්ව හොයාගෙන…ඊට පස්සේ ජූන්ට ගොඩක් ප්‍රශ්න වලට මුහුණ දෙන්න වෙනවා…කොහොම වුණත් නොයෙල් එක්ක ඇතිවෙන ප්‍රශ්නයක් නිසා, ජූන් ආයෙ ගමට යනවා…ඊට පස්සේ ජූන්ගෙ අම්මයි තාත්තයි ජූන්ට වෙන විවාහ යෝජනාවක් ගේනවා..ඉතින් මේ විවාහ යෝජනාව ජූන් පිළිගනීවිද? නැත්තම් ජූන්ට එයාගේ “පාසල් ප්‍රේමය හිමිවේවිද?” කියලා ඔයාලම බලන්නකෝ…ඉතින් මෙතනින් එහාට නම් මුකුත් කියන්න යන්නෙ නෑ… ඉතිරි ටික ඔයාලට බාරයි…