Vampire හෙවත් පිසාචයා කියන වචනය එක වතාවක් පමණක් කියැවෙන Vampire බයිස්කෝප් එකක් අහලා තියෙනවද? ඔන්න එහෙනම් මේක බලන්න. හොල්මන්, ෆැන්ටසි, අත්භූත සහ නාට්‍යම වශයෙන් වර්ගීකරණය වන මේ චිත්‍රපටිය IMDB ratings වල 7.3 ක් ලබාගෙන තියෙනවා. මම සාමාන්‍යයෙන් හොල්මන් බයිස්කෝප් වලට කැමැති නැති වුනත් වෙනත් වැම්පයර් බයිස්කෝප් නොයන මානයකට මෙය ගිහින් තිබෙන බවයි මට හිතෙන්නේ. මෙහි චරිත සියල්ලක්ම පාහේ හිතළු ලෙස ඉවත නොයන අතර ප්‍රේක්ෂකයා එම වරිත වල ක්‍රියාවන් හරිද නැති නම් වැරදීද කියා සිතුවිල්ලකින්වත් නිගමනයකට ඒමට නොහැකි වීමම මේ බයිස්කෝපයේ තියෙන අමුතු කමක්. ලේ බොන පිසාචයෙකු දිවි රැක ගැනුම උදෙසා කිනම් වූ තැනකට යාවිද යන්න ගැන මොනවට මින් කතා කරනු ලබයි. මෙහි චරිත මවන Kodi Smit-McPhee සහ Chloe Moretz යන කුඩා නළු නිළි යුවල ඉතාම අනගි රැඟුමක් මෙහි ඉදිරිපත් කරනවා. මතකයි නොවැ The Road එකේ හිටපු පුංචි නළුවා. එහෙනම් ඉතිං කථා සාරංශයකුත් ඉදිරිපත් කරන්නම්.

ඔවන් කියන පුංචි දරුවා නිරන්තරයෙන් පන්තියේ දී අනෙකුත් පංති චන්ඩින් ගෙන් හිරහැර වලට බඳුන් වෙයි. මීට අමතරව හේ තවත් පීඩාවට පත් වෙන්නේ ඔහුගේ දෙමව්පියන් දික්කසාද වීමට යාම නිසයි. මේ අතර ඔවුන්ගේ අසල්වැසියන් ලෙසින් කුඩා දැරියක් සහ මිනිසෙක් පදිංචියට පැමිණෙයි. ඒ දැරිය ඔහුගේ යෙහෙළිය බවට පත් වෙන්නේ තවත් හිතා ගත නොහැකි අත්භූත දේවල් රැසක අත්දැකීම් ලබා දෙමිනි. නමින් ඇබී වන ඇය පිසාචයෙක් බව දැනගන්නා ඔවන් කෙසේ නම් ඇගේ යහළු කම රැක ගනියිද? බයිස්කෝපය නරඹන්න…

• English