2023 අවුරුද්දෙ නිකුත් වෙච්ච තවත් ෆිලුමකට උපසිරැසි අරන් තමා අදත් බයිස්කෝප් අඩවියට මේ ගොඩ වෙන්නෙ. අපි කව්රුත් දන්න කියන Nicolas Cage අංකල්ගේ අලුත්ම ෆිලුම තමයි Sympathy for the Devil. චරිත සුළු ප්‍රමාණයක් යොදාගෙන සුපිරිම කතා තේමාවකින් නිර්මාණය කරල තියන මේ ෆිලුම, අන්තිම වෙනකම් අපි හැමෝටම කුතුහලය උපරිමේටම ලබා දෙනව කිව්වොත් මං නිවැරදියි. ඒ එක්කම කියන්න ඕනෙ මේ සිනමා පටයේ Nicolas Cage ගෙ රංගනයට විශාල වශයෙන් ධනාත්මක ප්‍රතිචාර ලැබිලත් තිබුණා. ඔයාලට ෆිල්ම් එක බලද්දි ඒක ඇත්තක් කියල තේරෙයි.

ඩේවිඩ් ඇවිල්ල භාණ්ඩ ප්‍රවාහන ආයතනයක වැඩ කරන කෙනෙක්. එයාගෙ බිරිඳ දරු ප්‍රසූතියක් වෙනුවෙන් රෝහලේ ලෑස්ති වෙනවා. ඩේවිඩ් තමන්ගෙ වැඩ ඉවර වෙලා රෝහලට එනවා. ඒ එන්නෙ තමන්ගෙ අනිත් ළමයව නැන්දම්මගේ ගෙදර නවත්තලා. ඉතින් මෙයා රෝහලේ රථ ගාලට වාහනේ දැම්මම ආගන්තුකයෙක් ඇවිල්ල වාහනේට නගිනවා. එතනින් එහාට ඉතින් කතාව ඔයාලට බාරයි. මේ ආගන්තුකයගෙයි ඩේවිඩ් ගෙයි අතර තියන පළහිලව්ව මොකද්ද කියල දැනගන්න ෆිල්ම් එක බලන්නම වෙනවා.

Action/Thriller/Mystery කැටගරියෙන් 2023 ජූලි 22 දින නිකුත් වෙන ෆිලුම IMDB අගය 5.6/10 ක් වගේම කුණු තක්කාලි අගය 59% ක් ලබා ගන්නත් සමත් වෙනවා. Nicolas Cage ට අමතරව අනිත් ප්‍රධාන චරිතය විදියට Joel Kinnaman රංගනයෙන් එකතු වෙන මේ ෆිලුමෙ අප්සට් වචන හැරුනම වෙන කිසිම ප්‍රශ්නයක් නැතුව කව්රු ආවත් බය නැතුව බලන්න පුළුවන්.

• English