එය 1971 වර්ශයේ ඉරිදා දිනයකි. සතියක් පුරා කාර්යබහුල වී තිබූ ලන්ඩන් නගරය මෙදින සාමකාමි මුහුණුවරක් ගනී. සිකුරාදා පස්වරුවේ වසා තැබූ බෝහෝ ආයතන හෙට උදෑසන වනතෙක් විවෘත වන්නේ නැත. වෙහෙසකර වූ සතියකින් පසු, නිවාඩුවක් ගත කිරීමට ලන්ඩනයෙන් බැහැරට ගොස් සිටින් මිනිසුන් මේ වනතෙක්ම ඔවුන්ගේ ගෙවල් දොරවල් කරා පැමිණ තිබුනේ නැත. එලෙස නිවාඩුවක් ගත කිරීමට පිට පළාතකට නොගිය සමහරක් ලන්ඩන් වැසියන්, තම නිවෙස් හි සුව පහසු ආසන වල වාඩි වී දුම් දමන කෝපි කෝප්පයක් පානය කරමින් පිටත රජයන සීතල හා මට්ටු වීමට වෙර දරයි. නමුත් මෙම සාමකාමී බව මධ්‍යේ ලන්ඩනයේ බේකර් වීදියේ ලොයිඩ්ස් බැංකු ශාඛාවේ නීතියට පටහැනි යමක් සිදු වෙමින් පවතී. අනතුරු දායක බව හමුවේ වුවත් තම වාසනාව උරගා බැලීමට තරම් එඩිතර වී සිටින් පිරිමින් පස් දෙනෙකු සහ කාන්තාවක මෙකී ලොයිඩ්ස් බැංකු ශාඛාවේ සේප්පුව බිඳිමින් සිටියි.

ඔවුන්ට සහය වෙමින් තවත් අයෙකු බැංකුව ඉදිරිපස සිටිමින් ඔත්තු බලමින් තම අත රැඳි වෝකි- ටෝකියෙන් ඔවුන් සමග සංවාදය කරයි. සොරකම සිදු වන අතරේ, බැංකුවෙන් මයිල කීපයක් ඔබ්බෙන් සිටින ආධුනික රේඩියෝ ක්‍රියාකරවන්නෙකුට, සොරුන් අතර සිදු වෙන මෙම පණිවිඩ හුවමාරුව අහම්බෙන් මෙන් අසන්නට ලැබෙයි. යහපත් පුරවැසියෙකුගේ වගකීම ඉටු කරන ඔහු පොලීසිය කැඳවයි. නමුත් කොල්ලකෑම සිදු වන්නේ කුමන බැංකුවේද යන වග මොවුන් නිශ්චිතවම නොදනී. මේ සිදුවන බැංකු කොල්ලය පිළිබඳව අවධානය යොමු වී ඇති තවත් පිරිසක් වෙති. කළු පැහැ අඳුමෙන් සැරසුන මොවුන්, බැංකුව පිහිටා ඇති වීදිය ඉදිරිපස සිටිමින් බැංකුව දෙස තම තීක්ශන දෑස් යොමා සිටියි. පැය කීපයක් ඇවෑමෙන් කොල්ලය හමාර වන්නේය. කොල්ලකරුවන්ද නිරුපද්‍රිතව පිටව යන්නේය. පසු දින මුලු ලන්ඩනය පුරා ලැව් ගින්නක් මෙන් පැතිර ගිය ප්‍රවෘත්තියකි. ඒ නම් බේකර් වීදියේ පිහිටා ඇති ලොයිඩ්ස් බැංකුවේ සේප්පුව කඩා ඇති බවයි. ඒ සමගම ලන්ඩන් රජය, විශේෂ නියෝගයක් නිකුත් කරමින් ඉල්ලා සිටියේ, බැංකු කොල්ලය සම්බන්ධව හෙළිකරන ඕනෑම තොරතුරක් රාජ්‍ය ආරක්ශාවට තර්ජනයක් බැවින්, එවැනි හෙළි කිරීම් වලින් වැලකී සිටින ලෙසයි. එම නිසා තව දුරටත් මෙම බැංකු කොල්ලය ගැන තොරතුරු හෙළි කිරීමට නොහැක. මෙම කොල්ලය සිදු කලේ කවුද? බැංකුව බින්දේ මුදල් පැහැර ගැනීමේ අරමුණට පමණද? නමුත් මේ කිසිවක් හෙළි නොවුනු ඇත…??

The Bank Job කියන මේ චිත්‍රපටියෙන් හෙළිකරනවා කියන්නේ 1971 සිදු වූ ඒ බැංකු කොල්ලයේ ඇත්තම කතාව. මේ බැංකු කොල්ලය තමයි එංගලන්ත ඉතිහාසයේ මෙතෙක් වාර්ථා වෙලා තියෙන විශාලම බැංකු කොල්ලකෑමේ සිද්ධිය. 2008 නිකුත් උන මේ චිත්‍රපටියේ IMdb අගය 7.3ක්. චිත්‍රපටිය වැටෙන්නේ Crime, Drama, Thriller ඝනයට. චිත්‍රපටිය අධ්‍ය්ක්ශනය කරලා තියෙන්නේ Roger Donaldson. රංගනයෙන් දායක වෙන්නේ Jason Statham, Saffron Burrows, Stephen Campbell Moore ඇතුලු නළු නිළියන්. කාලෙකින් ජේසන් ස්ටැතම්ගේ චිත්‍රපටියක් ආවේ නැති නිසාත්, ස්ටැතම් රඟපාන Mechanic: Resurrection චිත්‍රපටිය එන්න තියෙන්නේ අගෝස්තු වල නිසාත්, එතකන් මේ චිත්‍රපටිය බලමු(නොබලපු අය).

තව දෙයක්, මේ චිත්‍රපටියේ පොඩි අයට බලන්න සුදුසු නැති දර්ශන තියෙනවා. වැඩිහිටියන්ට තමයි වඩාත් සුදුසු.😀

• English