චිත්‍රපටය ගැන ටිකක් කියනවා නම්, මෙහි නම “මායා”. චිත්‍රපටය අධ්‍යක්ෂනය කරන්නෙ Ashwin Saravanan විසිනි. ඒ වගේම ලියා තිබෙන්නෙත් ඔහු විසින්මයි. මේ ෆිලුම හොරර් ඝනයට තමා අයත් වෙන්නේ. 2015 වසරේ දෙමළ හොරර් ෆිල්ම් බහුතරයක් නිකුත් වුනු වසරක් ලෙස සදහන් කරන්න පුළුවන්. නමුත් අවාසනාවන්ත දෙය නම් ඒ ගොඩාක් එවා එකම කතා තේමාවක් රැගත් ඒවා වන එකයි. නමුත් 2015 වසර සාර්ථකම සාර්ථක වසරක් කරගත්තූ, නයන්තරා රගන මේ චිත්‍රපටය අර එකම තේමාවෙන් වෙනස්ව වෙනස් හොරර් අත්දැකීමක් ප්‍රේක්ෂකයාට ලබා දීමෙන්, 2015 වසරේ දෙමළ හොරර් ෆිල්ම් අතරින් වඩා සාර්ථක චිත්‍රපටයක් කරගැනීමට මේ “මායා” නැමති චිත්‍රපටය සමත් වෙනවා. 2015 වසරේ “නයන්තරා” රග පෑ සියලුම නිර්මාණ අති සාර්ථක වූ අතර ඒ අතරට වැටෙන සිනමා සිතුවම තමා මේ “මායා” චිත්‍රපටය. චිත්‍රපටයේ අනිකුත් නළු නිළියන් වන්නේ Amzath Khan, Lakshmi Priyaa, Chandramouli, Aari නැමති අයයි.

ෆිලුමේ කතාව චුට්ටක් කියන්නම්. අප්සරා කියන්නේ වයස අවුරුදු 1ක ලමයෙක් එක්ක තනිවුනු කාන්තාවක්. මොකද පවුල් ආරවුලකින් එයාගේ සැමියා එයාව දාලා යනවා. එතකොට මේ අප්සරා ඉන්නේ එයාගේ යාලුවා ස්වාතීගේ ගෙදර. මේ ස්වාතී කියන කෙනා චිත්‍රපට කණ්ඩායමක සහායිකාවක්. මේ ස්වාතිගේ කණ්ඩායම හොරර් ෆිලුමක් රෑගත කර අවසන් කරන අතර එයා බෙදා හැරීමට කිසිදු ආයතනයක් නොපැමිනෙන නිසා, චිත්‍රපටය එක්කලා අතරමං වෙලා ඉන්නවා. මීට පිළියමක් ලෙස චිත්‍රපට අධ්‍යක්ෂකවරයා ප්‍රචාරණ කටයුත්තක් දියත් කරනවා, එය නම් මේ අය හදපු ෆිලුම, රෑ යාමයේ සිනමා ශාලාවේ, තනියම ඉදගෙන ඒගොල්ලෝ ඉදිරිපත් කරන කොන්දේසී වලට අනුකූලව සිට නැරබුවොත් ලක්ෂ 5ක් දෙන බව. මේ අතර අප්සරා තනියම ඉන්න නිසා, ඒ කියන්නේ කාගෙවත් හව්හරනක් නැතිව රස්සාවක් නැතිව සිටින නිසා, මුදල් අවශ්‍යතාවයකට මෙයට එකග වෙනවා. නමුත් ස්වාතී මෙයට දැඩි විරෝධය පානවා. ඉන් පසුව අප්සරා මේ ෆිලුම නැරබුවාද? අප්සරාගේ සැමියා කවුද? ඇයි ඇයව දමා ගියේ? මේ කියන ෆිලුමේ අඩංගු වී තිබෙන කතාව කුමක්ද? එය ඒ තරම් භයානක ෆිලුමක්ද? මේ සැමට පිළිතුරු චිත්‍රපටය තුල තිබෙනවා. එය නරබා ඔයාලත් ඒවාට උත්තර දැනගන්න.

• Tamil