සුබ දවසක් හැමදෙනාටම..ඔන්න ඉතින් කිව්වා වගේම හැකි ඉක්මනින් තවත් උපසිරැසියක් අරන් ආවා.නම දැක්ක ගමන්ම තේරෙනවනෙ සොරකමක් වටා තමයි චිත්‍රපටය දිවෙන්නෙ කියලා.මෙහි ප්‍රධාන චරිතවලට Bates Motel කතා මාලාවේ Freddie Highmore, Game of Thrones කතා මාලාවේ Liam Cunningham සහ King Arthur The Legend of the sword චිත්‍රපටයේ රංගනයෙන් දායක වුනු Àstrid Bergès Frisbey යන නළු නිලියන් රංගනයෙන් දායක වෙනවා.පැයයි විනාඩි 58ක ධාවන කාලයක් සහිත Thriller | Mystery කාණ්ඩයන්ට අයිති මෙය IMDb 6.4ක අගයක් ලබාගන්න සමත් වෙලා තියෙනවා.

කතාව ගැන පොඩි හැඳින්වීමක් කරන්නම්කෝ..

වෝල්ටර් කියන්නෙ මුහුදුබත් වුන පැරණි නැව් සොයාගෙන ඒවායෙ තියෙන වටිනා පෞරාණික භාණ්ඩ සොයාගන්නා කෙනෙක්..ඔන්න ඉතින් දවසක් ස්පාඤ්ඤ මුහුදේ 1500 ගණන්වල මුහුදුබත් වුන නැවක තිබිලා වටිනා පුරාවස්තු එක්ක පෙට්ටගමක් සොයාගන්නවා.හැබැයි මේ වෙලාවෙ ස්පාඤ්ඤ රේගුවෙන් එතනට ඇවිත් සියල්ල රාජසන්තක කරනවා.ජාත්‍යන්තර අධිකරණය තීරණය කරනවා පුරාවස්තූන් ස්පාඤ්ඤයට අයිති බව.පරීක්ෂා කරනකම් මේ සියල්ල ස්පාඤ්ඤ බැංකුවේ සුරක්ෂිතාගාරයේ තැන්පත් කරනවා.ඉතින් වෝල්ටර් තීරණය කරනවා ඒ පෙට්ටගම හොරකම් කරන්න.මේ සුරක්ෂිතාගාරය හදුන්වන්නෙ ඉංජිනේරු විද්‍යාවේ ආශ්චර්යක් විදිහටයි ඒකට හේතුව කාටවත් පුලුවන් වෙලා නෑ මේ සුරක්ෂිතාගාරය ක්‍රියාකරන විදිහ හොයාගන්න.ඉතින් වෝල්ටර් මේක හොයාගන්න අවුරුදු 22ක කේම්බ්‍රිජ් සරසවියේ ශිෂ්‍යයෙක්ව එකතු කරගන්නවා..මේ පෙට්ටගමේ තියෙන විශේෂත්වය මොකක්ද, වෝල්ටර් ඇතුලු කණ්ඩායම මේ අභියෝගය ජයගන්නෙ කොහොමද කියලා බලන්න ආරාධනා කරමින් මං සමුගන්නවා..හොඳ නරක කියලා කමෙන්ට් එකක් දාගෙන යන්න

• English